想止咳?認明正宗海底椰!

Posted by Ys Editor 12/04/2018 0 Comment(s) 養生食療,

海底椰治咳湯水適用於各種咳嗽,包括寒咳、熱咳、乾咳、痰咳、長命咳等等,非常百搭。要治久咳,只有正宗非洲塞舌爾群島出產嘅海底椰先有功效。正宗海底椰價格昂貴,好多人就算買咗都慳住食,但係用非洲海底椰煲湯要見效,秘訣係「唔慳得」!煲一次湯,最少要用半両,要見效,用一両更係等閒,用量太少係起唔到功效㗎!

分辨真假海底椰
街市檔口一啲已包裝好嘅平價湯包,都聲稱係「海底椰」,其實絕大部分係魚目混珠,用咗東南亞一帶嘅「棕櫚果」刨片而成,同喺街市被叫做「海底椰」嘅新鮮椰果一樣,完全冇治咳功效,大家要分清楚喔。

正宗海底椰
.非洲塞舌爾群島出產.
.肉身白淨,燈光下有閃爍折射。
.原個海底椰直徑約40-50cm,重約20kg,果肉厚,體積巨大;刨片後一邊有啡色椰子皮,另一邊係椰肉。
.分「齊片」及「散片」兩種,都係真貨。
.齊片比散片貴40-50%,止咳功效一樣。
由於散片貨源較多,市面上一般都係售賣散片。早前非洲海底椰出口受限制,產不多有半年無貨,市面上僅存嘅少量貨都要出高價爭取,好多地方都斷市冇貨,Y’s Recipes現有嘅一小批正宗非洲海底椰現貨,擁有「非洲塞舌爾共和國 Republic of Seychelles」嘅出口證,正宗現貨非常珍貴,想買就要快手!

仿海底椰:形狀接近正貨,但肉身暗淡帶啡,椰子皮邊包圍整片,因為棕櫚果比拳頭細,所以橫切面有整齊圓圈啡邊。

新鮮椰果:街市叫佢做「海底椰」,其實正名叫「椰果」,同樣屬於椰子科果實,煲湯一樣清潤生津,但係就冇止咳作用,亦可以用椰果加埋真正海底椰一齊煲湯。