吃啱食物解春困(二)

Posted by ysadmin_Mabel 20/04/2018 0 Comment(s) 養生食療,

係咪經常疲倦不堪、精神萎靡、昏昏欲睡、頭昏腦脹、全身痠痛,無法集中注意力......瞓好耐都覺得唔夠?其實呢啲都係「春困」症狀嚟㗎!春困加上生活節奏急促,好易變成慢性疲勞。如症狀遲遲未改善,長期下來心鬱結外,更可導致免疫力下降,令慢性病出現,不可不慎!除咗保持作息正常、多做運動,亦可以補充以下抗疲勞提神食物喔。


鈣和鎂食物:鈣和鎂具有安定神經及解除疲勞嘅作用,進食富含鈣質嘅食物同時要補充鎂,先可以互補吸收㗎。


富含鈣食物:乳酪、黃豆、蛋黃、蝦米、綠葉蔬菜及奇異果等。

注意:一般成年人每天不要攝取超過800毫克鈣。

 

富含鎂食物:核果類如杏仁、葵瓜子與花生、深綠色蔬菜、香蕉,和未加工的蜂蜜等。

注意:一般成年人每日應攝取約350毫克鎂。


維他命B食物:維他命B1、B3、B6、B12等,幫助製造紅血球(帶氧到全身),促進碳水化合物和蛋白質嘅新陳代謝,能緩解壓力,適量補充對消除慢性疲勞尤其有效。
全麥殼類、綠葉蔬菜、奶類、豆類、蕃茄、葵花子、粟子,雞肉、薯仔、棗類、香蕉、無花果、士多啤梨等。

生熟薏米檸檬水
用兩茶匙紅薏仁熟薏仁粉沖一杯熱水,再加半個檸檬搾汁或檸檬切片,除咗去濕解春困,更可以清熱、排毒、美白!紅薏米保留外殼,通宿便去水腫療效特強;熟薏米功效係健脾,重振食慾及助身體營養吸收,組合起來可以健脾去濕解春困。