搽防曬點解成日出擦紙膠碎?

Posted by Ys Editor 25/04/2018 0 Comment(s) 美容護膚,

「一搽防曬,就出擦紙膠碎,點解嘅?」其實係同護膚品成份,以及塗抹手法有關。搽防曬或面霜時捽出嚟嘅「擦紙膠碎」,並唔係面上嘅老化角質,而係你搽上面嘅護膚品嚟㗎!想知點避免?就要先了解成因。

擦紙膠碎點嚟?

.護膚品/底霜含有大份子成份,例如透明質酸等,同防曬質地起衝突。面霜搽得太多太厚。
.營養水、精華等護膚品,搽完一種未吸收到8-9成立即再搽另一種,皮膚未吸收晒就搽防曬。
.搽防曬時大力來回捽,手法錯晒。

點避擦紙膠碎?

搵出同防曬乳質地相容嘅面霜。
.面霜唔使搽太厚,覆蓋均勻已經有效鎖水。
.等面霜8-9成乾先搽上防曬。
.搽物理防曬乳建議單一方向輕推,並配合拍打塗抹,唔好來回或打圈捽上面。
.防曬原理係均勻覆蓋即可,唔需要厚塗