食材簡介: 雖名為沙蟲，其實不是蟲，真身屬於接近失傳的海產，味道似蚌一樣好好味，口感爽脆。

特色: 汕尾出產，是坐月時的佳品，專補女性，特別對子宮康復非常有用。

沙蟲乾呢種冷門食材，可能好多人都未聽過，其實佢係名貴滋補海味嚟，含有豐富蛋白質，營養價值高，可補虛補腎，修護子宮，可以調補女性產後損耗所需，所以亦係坐月必食嘅調理佳品。

加上沙蟲乾亦有促進母乳嘅功效，最啱產後需要餵哺母乳嘅媽媽，不論係自然生產定開刀，都一樣啱食㗎。沙蟲乾係海味 名字雖有個「蟲」字，但沙蟲乾原名「方格星蟲」，其實係海產嚟㗎！佢哋喺海灘泥沙中生長，外形極似一條蟲，所以先有呢個名，要歸類的話，沙蟲乾比較近似海參。

優質嘅沙蟲乾顏色呈淡米黄色，紋路清晰，味道鮮甜得嚟，口感爽脆，有啲似蚌肉咁，用嚟燉湯，湯頭仲非常清甜好味添。