香港夏天空氣污濁，容易敏感咳，加上喉嚨乾涸，常見久咳。傳統食療會以川貝入饌，有清熱潤肺，化痰止咳，散結消腫作用。一般多以珍珠川貝配搭海底椰、雪梨、南北杏、無花果等，亦可自製「燉川貝蜂蜜水」或「川貝燉瘦肉湯」作甜鹹兩食法。

正宗嘅珍珠川貝細細粒、圓圓哋，形狀係「懷中抱月」，即一粒大嘅包住一粒細嘅咁。未經製過嘅正宗川貝，色澤偏黃，因處理過嘅白色川貝賣相更佳，所以現時想買到原色版正宗川貝並唔容易。

平貝食療功效一般
外形圓得嚟比較扁身，每粒只係有條淺坑，而非川貝大粒包住細粒咁，顏色係淺黃或乳白，食療功效一般。

燉川貝蜂蜜水
川貝用作紓緩喉嚨及咳嗽，可以利用蜂蜜中和川貝本身的甘苦味，令味道更易入囗。
1.川貝1錢洗淨，加入半碗滾水燉45分鐘。
2. 待稍涼後加入一茶匙蜜糖，攪拌即可飲用。
＊川貝甜吃方法，混入蜂蜜最方便，也可以與雪梨同燉，記住要刮走雪梨芯先唔會有酸味。
＊川貝燉後質感軟滑有咬口，最好食埋以加強吸收療效。